அப்துல் கலாம் மேகாலயாவில் காலமானார்.

மேகாலயா: முன்னாள் ஜனாதிபதி அப்துல் கலாம் மேகாலயாவில் காலமானார். மேகாலயாவில் கருத்தரங்கில் கலாம் உரையாற்றிய போது உடல்நலக் குறைவு ஏற்பட்டது. ஷில்லாங்கில் உள்ள மருத்துவமனையில் அப்துல் கலாம் உயிர் பிரிந்தது. இந்தியாவின் 11வது குடியரசுத் தலைவராக பதவி வகித்தார் அப்துல் கலாம். 2002 முதல் 2007 வரை இந்திய குடியரசுத் தலைவராக இருந்தார். இந்தியா அனுவல்லமை நாடாக குறிப்பிடத்தக்க பங்காற்றியவர் கலாம். பொக்ரான்-2 அணுகுண்டு சோதனையில் பிரதமரின் தலைமை அறிவியியல் ஆலோசகராகவும் செயல்பட்டார். 1931 அக்டோபர் 15ம் தேதி ராமேஸ்வரத்தில் ஏ.பி.ஜே. அப்துல் கலாம் பிறந்தார். பள்ளிப் படிப்புக்கு பின் தந்தைக்கு பத்திரிகை விநியோகப் பணி செய்தார். கணிதத்தில் மிகுந்த ஈடுபாடு கொண்டு இருந்தார், திருச்சி புனித வளனார் கல்லூரியில் இளநிலை இயற்பியியல் பயின்றார் கலாம். 1960ல் DRDO வானூர்தி மேம்பாட்டு அமைப்பில் விஞ்ஞானியாக சேர்ந்தார். ராணுவத்துக்கு சிறிய ரக ஹெலிகாப்ட்டர் தயாரிப்புப் பணியில் ஈடுபட்டார். 1969ம் ஆண்டு இந்திய விண்வெளி ஆராய்ச்சி மையத்துக்கு மாற்றப்பட்டார். உள்நாட்டு செயற்கைக்கோள் செலுத்து வாகன திட்ட இயக்குனராக இருந்தார். கலாம் 20 ஆண்டு பணியாற்றிய SLV மற்றும் SLV-3 திட்டங்கள் வெற்றி பெற்றன. கலாமின் இறுதிச் சடங்கு ராமேஸ்வரத்தில் நடைபெறவுள்ளதாக செய்திகள் தெரிவிக்கின்றன

Read More

பள்ளி கல்லூரிகளுக்கு விடுமுறை

டாக்டா் அப்துல்கலாம் அவா்களின் மறைவிற்கு இரங்கல் தொிவிக்கும் வகையில் நாளை தமிழகத்தல் அனைத்து தனியாா் மற்றும் அரசு பள்ளி கல்லூரிகளுக்கு விடுமுறை அளித்து கல்வி துறை அமைச்சா் கே.சி வீர மணி அவர்கள் உத்தரவிட்டாா். செய்தியாளர் K.S.கோதண்டன்

Read More

கிடா விருந்துக்கு சென்ற 17 பேர் படுகாயம், பெண் உள்பட 2 பேர் பரிதாபமாக சாவு

சுற்றுலா வேன்–லாரி நேருக்கு நேர் மோதல் , கிடா விருந்துக்கு சென்ற 17 பேர்  படுகாயம், பெண் உள்பட 2 பேர் பரிதாபமாக சாவு
,ஜூலை-27
      கோவை மாவட்டம் கருமத்தம்பட்டி, ராயர்பாளையம் பகுதியை சேர்ந்த 33 குடும்பத்தினர் நேற்று காலை திருப்பூர் மாவட்டம் வெள்ளகோவில் பகுதியில் உள்ள குலதெய்வ கோவிலுக்கு சாமி கும்பிட 3 சுற்றுலா வேன்களில் சென்றனர். அங்குள்ள நாட்ராயசாமி கோவிலில் கிடா வெட்டி வழிபட்டுவிட்டு, வீரகுமாரசாமி கோவிலுக்கு சென்று வழிபட்டு பின்னர் மாலையில் 3 வேன்களில் பல்லடம் வழியாக வீட்டுக்கு திரும்பிக்கொண்டு இருந்தனர். கோவை–திருச்சி ரோட்டில்  பல்லடம் அடுத்துள்ள பெரும்பாலிகுட்டை அருகே மாலை 5.45 மணிக்கு சுற்றுலா வேன்கள் சென்று கொண்டு இருந்தன. அப்போது, எதிரே கோவையில் இருந்து மதுரை நோக்கி வந்து கொண்டிருந்த லாரி ஒன்று, மூன்றாவதாக சென்ற கொண்டு இருந்த சுற்றுலா வேன் மீது திடீரென நேருக்கு, நேர் மோதியது. வேனில் பயணம் செய்த கருமத்தம்பட்டியை சேர்ந்த குமார்(வயது 49) என்பவரின் மனைவி மகேஸ்வரி(48) சம்பவ இடத்திலேயே பலியானார். சுமார் 2 மணி நேர போராட்டத்துக்கு பின்னர் சுற்றுலா வேன் டிரைவர் பூபதி(32), வேனில் பயணம் செய்த ராமசாமி(50), கிருஷ்ணசாமி(45), சாந்தாமணி(40), சரஸ்வதி(40), சாந்தி(40), செல்வமணி(45), கன்னியம்மாள்(57), பத்மாவதி(45), முத்துராஜ்(35), சுப்பிரமணி(45), குமார்(30), மற்றொரு குமார்(39), மகேஸ்வரியின் கணவர் குமார் ஆகிய 14 பேர் படுகாயங்களுடன் மீட்கப்பட்டனர். இவர்கள் அனைவரும் பல்லடம் அரசு மருத்துவமனையில் முதலுதவி சிகிச்சை அளிக்கப்பட்டு மேல் சிகிச்சைக்காக  தனியார் ஆஸ்பத்திரிகளுக்கு அனுப்பி வைக்கப்பட்டனர்.

     மேலும் படுகாயங்களுடன் உயிருக்கு போராடிக்கொண்டு இருந்த லாரி டிரைவர் மதுரை மாவட்டம் வாடிப்பட்டி அருகே உள்ள வளையபட்டியை சேர்ந்த கருப்பையா(45), மற்றும் சுற்றுலா வேனில் பயணம் செய்த 3 பேர் கோவையில் உள்ள அரசு ஆஸ்பத்திரிக்கு சிகிச்சைக்காக கொண்டு செல்லப்பட்டனர். இதில் லாரி டிரைவர் கருப்பையா வழியிலேயே பரிதாபமாக இறந்தார். மற்றவர்கள் மேல் சிகிச்சைக்காக தனியார் ஆஸ்பத்திரியில் அனுமதிக்கப்பட்டுள்ளனர்.
மேலும் தகவல் அறிந்து பல்லடம் போலீஸ் துணை சூப்பிரண்டு மனோகர் தலைமையில் போலீஸ் இன்ஸ்பெக்டர் தங்கராஜ் , பச்சையப்பன்  மற்றும் போலீசார், பல்லடம் தீயணைப்பு படைவீரர்கள் சம்பவ இடத்துக்கு விரைந்து வந்தனர். இந்த விபத்து குறித்து பல்லடம் போலீசார் வழக்குப்பதிவு செய்து விசாரணை நடத்தி வருகிறார்கள். இந்த சம்பவத்தால் அந்த பகுதியில் சுமார் 2 மணிநேரம் போக்குவரத்து பாதிக்கப்பட்டது

Read More

பேருந்து பள்ளத்தில் கவிழ்ந்தது

இன்று மதியம் 4மணி அளவில் அந்தியூரிலிருந்து கோபி வழியாக கோவை செல்லும் தனியார் பேருந்து பயணிகளை ஏற்றிக்கொண்டு சென்ற போது அளுக்குளி அருகே சென்றதும் ஓட்டுனரின் கட்டுப்பாட்டை இழந்து பள்ளத்தில் கவிழ்ந்தது அதிர்ஷ்டவசமாக லேசான காயத்துடன் பயனிகள் உயிர் தப்பினர். நிருபர். K.S. கோதண்டன்

Read More

திருப்பூர் ,மாநகராட்சி பள்ளியில் 3419 மாணவ, மாணவியர்களுக்கு விலையில்லா மிதிவண்டிகள் வழங்கப்பட்டது .

திருப்பூர் ,மாநகராட்சி பள்ளியில் 3419 மாணவ, மாணவியர்களுக்கு விலையில்லா மிதிவண்டிகள் வழங்கப்பட்டது .
DSCF9546
திருப்பூர் ,ஜூலை-26
திருப்பூர் மாநகராட்சி ஜெய்வாய் நகரவை பெண்கள் மேல்நிலைப்பள்ளியில் திருப்பூர் மாநகராட்சி பகுதியில் உள்ள 7 அரசு நகரவை மேல்நிலைப்பள்ளிகளைச்சேர்ந்த 3419 மாணவ, மாணவியர்களுக்கு விலையில்லா மிதிவண்டிகள் வழங்கும் விழா நடந்தது . விழாவில் மாவட்ட முதன்மை கல்வி அலுவலர் முருகன் வரவேற்று பேசினார் . கலெக்டர் கு.கோவிந்தராஜ் , தலைமை தாங்கி பள்ளி மாணவ ,மாணவியர்களுக்கு மிதிவண்டிகளை வழங்கினார் . திருப்பூர் வடக்கு சட்டமன்ற உறுப்பினர் எம்.எஸ்.எம். ஆனந்தன் முன்னிலை வகித்தார். கூட்டத்தில் மாவட்ட ஊராட்சி தலைவர் எம்.சண்முகம் , துணைமேயர் குணசேகரன் , மண்டலதலைவர்கள் ராதாகிருஷ்ணன் , கே.ஆர்.ஜான் ,முத்துச்சாமி, கிருத்திகா சோமு, மாமன்ற உறுப்பினர்கள் எம். கண்ணப்பன் , செல்வி , நஜ்முதீன் , ஈஸ்வரன் , கீதாஆறுமுகம் , கணேஷ் . மாவட்ட கல்வி அலுவலர் விஜயலட்சுமி மற்றும் அலுவலர்கள் மாமன்ற உறுப்பினர்கள் உள்ளாட்சி அமைப்பு பிரதிநிதிகள் மற்றும் பொதுமக்கள் கலந்துகொண்டனர்

Read More

திருப்பூரில் தடையை​ மீறி கோபாவேச .

photo 1காவல் துறை அனுமதி மறுப்பு
திருப்பூரில் தடையை​ மீறி கோபாவேச .
திருப்பூர், ஜூலை 25-
இந்திய மாணவர் சங்கத் தலைவர்கள் மீது கொலைவெறித் தாக்குதல் நடத்திய கோவில்பட்டி காவல் ஆய்வாளர் உள்ளிட்ட காக்கிச்சட்டை குற்றவாளிகள் மீது கிரிமினல் நடவடிக்கை எடுக்க வலியுறுத்தி ​திருப்பூரில் தடையைத் தகர்த்து ​மார்க்சிஸ்ட் கட்சி சார்பில் கோபாவேச ஆர்ப்பாட்டம் நடைபெற்றது.
கோவில்பட்டி காவல் நிலையத்தில் இந்திய மாணவர் சங்கத் தலைவர்கள் மீது கொலைவெறித் தாக்குதல் நடத்திய காவல் துறையினரைக் கண்டித்து சனிக்கிழமை திருப்பூரில் ஆர்ப்பாட்டம் நடத்த மார்க்சிஸ்ட் கட்சி முடிவு செய்தது.
எனினும் இந்த ஆர்ப்பாட்டத்துக்கு அனுமதி அளிக்க காவல் துறையினர் மறுத்துவிட்டனர். தடையை மீறி ஆர்ப்பாட்டம் நடத்துவதற்காக மார்க்சிஸ்ட் கட்சியினர் திருப்பூர் குமரன் சிலை முன்பாகத் திரண்டனர்.
இந்த ஆர்ப்பாட்டத்திற்காக ஒலிபெருக்கி சாதனங்கள், இருக்கைகள் கொண்டு வரப்பட்டு ஏற்பாடு செய்யப்பட்டது. ஆனால் அனுமதி இல்லை எனக் கூறி அவற்றை அங்கே இருந்து அகற்றுமாறு ஒலிபெருக்கி அமைப்பாளரை காவல் துறையினர் கட்டாயப்படுத்தி எடுக்கச் செய்தனர்.
அதுமட்டுமின்றி ஆர்ப்பாட்டம் நடத்துவதற்கான இடத்தில் மினி பஸ் ஒன்றைக் கொண்டு வந்து நிறுத்தி மார்க்சிஸ்ட் கட்சியினரை கைது செய்வதாக கூறி வாகனத்தில் ஏறும்படி கூறினர். ஆனால் ஆர்ப்பாட்டமே நடத்தாத நிலையில் காவல் துறையின் இந்த நடவடிக்கை சரியல்ல என்று கட்சி அணியினர் கடும் ஆட்சேபம் தெரிவித்தனர்.
இந்நிலையில் மார்க்சிஸ்ட் கட்சியின் மத்தியக்குழு உறுப்பினர் உ.வாசுகி ஆர்ப்பாட்டத்தில் பங்கேற்பதற்காக அந்த இடத்திற்கு வந்தார். அவர், அதிகாரிகளிடம் “எதற்காக ஆர்ப்பாட்டத்திற்கு அனுமதி இல்லை? என்று கேள்வி எழுப்பினார். மேலும் “பொது மக்களுக்கு இடையூறாகவோ, மறியல் போன்ற போராட்டமோ நடத்தவில்லை. அமைதியான முறையில் ஆர்ப்பாட்டம் நடத்த ஏன் அனுமதி மறுக்கப்படுகிறது? என்றும் அவர் கேட்டார். ஆனால் இதற்கு காவல் அதிகாரிகள் எந்த பதிலும் கூறவில்லை.
எந்த நியாயமும் இல்லாமல் ஜனநாயக முறையிலான இப்போராட்டத்துக்கு அனுமதி மறுத்தால், காவல் துறை எங்களைக் கைது செய்ய அமைதியான முறையில் நாங்கள் ஒத்துழைப்புக் கொடுக்கமாட்டோம் என்று வாசுகி தெரிவித்ததுடன், திட்டமிட்டபடி ஆர்ப்பாட்டம் தொடங்கியது.
காவல் துறையின் அராஜகத்தைக் கண்டித்து அனைவரும் கோபாவேச முழக்கம் எழுப்பினர். கைது செய்வதற்கு தயாராக காவல் துறையினர் சூழ்ந்தபோதும், யாரும் அங்கிருந்து கலைந்து செல்லவில்லை. மாறாக அப்பகுதியில் பொது மக்கள் உள்பட பெருந்திரளான கூட்டம் திரண்டது.
மார்க்சிஸ்ட் கட்சியின் மாவட்டச் செயலாளர் கே.காமராஜ் தலைமையில் நடைபெற்ற இந்த ஆர்ப்பாட்டத்தில் கட்சியின் மாநில செயற்குழு உறுப்பினர் கே.தங்கவேல் எம்.எல்.ஏ., மத்தியக்குழு உறுப்பினர் உ.வாசுகி ஆகியோர் கண்டன உரையாற்றினர்.

Read More

திருச்சி பொதுகூட்டத்தில் ராகுல் காந்தி பேச்சு !

திருச்சி பொதுகூட்டத்தில் ராகுல் காந்தி பேச்சு !IMG-20150724-WA0000

”காங்கிரஸ் கட்சிக்கு நல்ல பலம் உள்ளது என்பதை இந்த பொதுக்கூட்டம் நிரூபித்துள்ளது. மழை வந்தாலும், அதை பொருட்படுத்தாமல் எனது பேச்சை கேட்க வந்தவர்களை பாராட்டுகிறேன். எல்லோருக்கும் வணக்கம். இங்கு வந்தது எனக்கு மகிழ்ச்சியளிக்கிறது. காமராஜர் அவர்களின் பிறந்தநாளை கொண்டாடவே நான் இங்கு வந்துள்ளேன். காமராஜரின் பணியால் பள்ளிக்கு செல்ல முடிந்த மகிழ்ச்சியையும், வேலைவாய்ப்பு கிடைத்ததையும் நான் பார்க்க முடிகிறது. காமராஜரை பார்க்கும்போது ஒரு ராஜா தனது மகனை காட்டுக்கு அனுப்பி ஒரு வருடம் அங்கு நடப்பதை கண்டு வா என்றார். அதேபோல ஒரு வருடம் கழித்து வந்தபோது மன்னரிடம் அவரது மகன் விலங்குகள் சன்டைபோடுவதை மட்டுமே கேட்க முடிந்தது என்றார். இதை கூறும்போது நீ இன்னும் நல்ல விஷயத்தை கேட்டது போல தெரியவில்லை என்றார் மன்னன். இதை கேட்ட அவரது மகன் ஒருவருடம் மீண்டும் காட்டுக்கு சென்றார். ஆனால் ஒன்றும் சரியாக கற்றுக்கொள்ள இயலவில்லை. பின் ஒருநாள் மரத்தினடியில் அமர்ந்திருந்தபோது ஒரு நெளிந்த ஓசை கேட்டபோது, இதைதான் மன்னர் கேட்டாரோ என்று நினைத்து மீண்டும் அரசவைக்கு வந்தார். அவரிடம் மன்னர் என்ன கேட்டது என்றபோது, நான் நிறைய சத்தங்களை முன்பே கேட்காதவற்றை எல்லாம் கேட்டேன் என்றார் அவரது மகன். பூக்களின் சத்தமும், சூரிய வெளிச்சத்தின் சத்தத்தினையும், புல் தண்ணீர் உறியும் சத்தம் மற்றும் மேலும் சில சத்தங்களை கேட்டேன். நீ எல்லா சத்தத்தையும் கேட்கவேண்டும் என்று மன்னர் அறிவுரை வழங்க, அதை கேட்ட அவரது மகன் உண்மைதான் என்றார். அப்போது நீ எல்லாருடைய குரலையும் கேட்கவேண்டும் என்றார் மன்னர். எல்லாருடைய உணர்வையும் நீ புரிந்துக்கொள்ளவேண்டும் என்று மன்னர் சொன்னபோது அதையும் கேட்டார் அவரது மகன். நான் காமராஜரை பார்த்து வியக்க இது தான் காரணம். காமராஜர் கல்வி மூலம் மக்களின் குரலுக்கு நல்ல ஓசை கொடுக்க முடியும் என்பதை எண்ணி பள்ளி தொடங்கினார். ஆனால் பள்ளியில் மாணவர்கள் சேர்க்கை இல்லாததால் பெற்றோரிடம் கேட்டார் அவர், அப்போது பெற்றோர்கள் மாணவர்கள் பள்ளிக்கு செல்ல வெகு தூரம் செல்லவேண்டும் என்றனர். நடந்து செல்லவேண்டி உள்ளதால் நாங்கள் விரும்பவில்லை என்றனர். அதனை கேட்டவர் நிறைய பள்ளிகளை தொடங்கினார். ஒன்பது ஆண்டுகளில் பதிமூன்றாயிரம் பள்ளிகளை திறந்தார் காமராஜர். பின் மீண்டும் பெற்றோர்களிடம் ஏன் மாணவர்களை பள்ளிக்கு அனுப்ப மறுக்கிறீர்கள் என்று கேட்டபோது, பெற்றோர்கள் பள்ளி இருப்பது நல்லது தான். ஆனால் சாப்பாட்டுக்கு வழி இல்லாததால் அனுப்பவில்லை என்றனர். உடனே காமராஜர் மதிய உணவு திட்டத்தை தொடங்கினார். அது ஒரு சிறப்பான ஆட்சியாக அமைந்ததற்கு அதுவே காரணம். நிறைய நிறுவனங்களை வேலை வாய்ப்பு கொடுக்க இது தான் காரணம். காமராஜ் அவர்கள் மக்களின் குரலை கேட்டு செயல்பட்டார். 50 வருடங்களுக்கு பிறகு மக்களின் குரலை இன்று தமிழக அரசியல்வாதிகள் கேட்பதாய் இல்லை. அதற்கு காரணம் அவர்கள் எங்களிடம் அதிகாரம் உள்ளது என்று நினைப்பதால் தான். எல்லாமே மக்களிடம் உள்ளது என்பதை நீங்கள் உணரவைக்கவேண்டும். அவர்கள் மக்களின் எண்ணத்திற்கு மதிப்பளிக்காமல் உள்ளனர். பல ஆண்டுகளாக வீட்டில் இருந்தாலும் அவர்கள் மக்களின் குரலை ஆட்சியில் இருக்கும்போது கேட்கவேண்டும். தமிழகத்தில் யாருமே மக்களை சந்திப்பது கூட இல்லை. அதற்கு வேலைவாய்ப்பின்மை ஒரு காரணம். மாணவர்களுக்கு தெரியும் கல்விதான் வேலைவாய்ப்பு என்றும், வேலைவாய்ப்பு தான் அவர்களுக்கு தீர்வு கொடுக்கும் என்றும் தெரியும்..ஒரு குடும்பத்தில் ஒருவருக்கு வேலை கிடைத்தாலும் அந்த குடும்பம் வளர்ச்சி அடையும். இளைஞர்கள் பெற்றோர்கள் கஷ்டப்பட்டு படிக்க வைக்கிறார்கள் என்பதால் வேலைவாய்ப்பு தேடுகிறார்கள். படித்தால் வேலை கிடைக்கும் என்று எண்ணுபவர்களுக்கு தமிழகத்தில் இங்கு வேலையே இல்லை. மூன்றில் ஒருவருக்கு இங்கு வேலை இல்லை. அரசு யாரையும் கவனிப்பதில்லை. இதுதான் காரணம். இன்னொரு காரணம் ஏழை மக்களின் குரலை அரசு கண்டுகொள்வதில்லை. சுதந்திரம் அடைந்தும் தலித்துகளுக்கு ஒரு தீர்வு கூட கிடைக்கவில்லை.இதுதான் நிதர்சனமான உண்மை. தற்போதைய அரசு யார் குரலையும் கேட்காமல் இல்லை. சிலர் குரலை கேட்கின்றனர். அவர்களின் கட்சியினர் குரலை கேட்கின்றனர். மேலும் டாஸ்மாக் விற்பனையாளர்களின் குரலை கேட்கின்றனர். கடந்த வருடம் மட்டும் டாஸ்மாக் மூலம் மூற்பதாயிரம் கோடி ரூபாய் வரை லாபம் ஈட்டுயுள்ளனர். இந்த விற்பனையாளர்கள் யார் என்று நான் வியக்கின்றேன். டாஸ்மாக் பற்றி பேசினால் மழை கூட குறைகிறது. அனைவரின் பாக்கெட்டில் இருந்து 10 ஆயிரம் ரூபாய் கொடுத்து டாஸ்மாக் மூலம் கெடுக்கின்றனர். இதனால் தாய்மார்கள் அதிக கஷ்டப்படுகின்றனர். இதனால் உங்கள் குடும்பம் அதிக பாதிப்புகளை அடைகிறது என்பதை நான் அறிவேன். எல்லா பெண்களுக்கும் நான் ஒன்று சொல்கிறே

Read More

திருப்பூர் மாவட்டத்தில் 151 மது பார்கள் ரூ.2 கோடியே 27 லட்சத்து 48 ஆயிரத்து 800 க்கு ஏலம் போனது.

திருப்பூர் மாவட்டத்தில் 151 மது பார்கள் ரூ.2 கோடியே 27 லட்சத்து 48 ஆயிரத்து 800 க்கு ஏலம் போனது.DSC_0026

திருப்பூர் ,ஜூலை-24
திருப்பூர் மாவட்டத்தில் உடுமலை, அவினாசி, தாராபுரம், காங்கயம், ஊத்துக்குளி, திருப்பூர் வடக்கு, திருப்பூர் தெற்கு, பல்லடம் ஆகிய பகுதிகளில் 254 டாஸ்மாக் மது பார்கள் உள்ளன. இந்த பார்களை நடத்த ஒவ்வொரு ஆண்டும் ஏலம் விடப்பட்டு மாதந்தோறும் உரிமக்கட்டணம் வசூலிக்கப்படும். அதிக தொகை ஏலம் கேட்பவர்களுக்கு பார் நடத்துவதற்கான உரிமம் வழங்கப்படும்.
மாவட்டத்தில் உள்ள பார்களுக்கான ஏலம் திருப்பூர் அங்கேரிப்பாளையத்தில் உள்ள டாஸ்மாக் மாவட்ட மேலாளர் அலுவலகத்தில் கடந்த 2 நாட்கள் நடைபெற்றது. ஏலத்துக்கு மாவட்ட மேலாளர் முத்துவடிவேல் தலைமை தாங்கினார். உதவி ஆணையாளர்(கலால்) லியாகத்அலி, உதவி மேலாளர் செல்வம் ஆகியோர் முன்னிலை வகித்தனர்.
நேற்று முன்தினம் நடந்த ஏலத்தில் உடுமலை, அவினாசி, தாராபுரம், காங்கயம், ஊத்துக்குளி பகுதியில் உள்ள 126 பார்களில் 66 பார்கள் ரூ.73 லட்சத்து 49 ஆயிரத்து 150–க்கு ஏலம் போனது. நேற்று திருப்பூர் வடக்கு, திருப்பூர் தெற்கு தாலுகாவுக்கு உட்பட்ட 109 பார்கள், பல்லடம் தாலுகாவில் உள்ள 19 பார்கள் என மொத்தம் 128 பார்களுக்கு ஏலம் நடந்தது. ஏலம் கோரி 211 விண்ணப்பங்கள் வந்திருந்தன. இதில் திருப்பூர் வடக்கு, திருப்பூர் தெற்கு தாலுகாவுக்கு உட்பட்ட பகுதியில் 76 பார்களும், பல்லடத்தில் 9 பார்களும் என்று மொத்தம் 85 பார்கள் ஏலம் போனது. மீதம் உள்ள விண்ணப்பங்கள் நிராகரிக்கப்பட்டன. அதிகபட்சமாக திருப்பூர் நொச்சிப்பாளையம் பிரிவில் உள்ள ஒரு பார் ரூ.3 லட்சத்து 63 ஆயிரத்து 500–க்கும், குறைந்தபட்சமாக திருப்பூர் யூனியன் மில் ரோட்டில் உள்ள ஒரு பார் ரூ.43 ஆயிரத்து 200–க்கும் ஏலம் போனது.
திருப்பூர் மாவட்டத்தில் உள்ள மொத்தம் 151 மது பார்கள் ரூ.2 கோடியே 27 லட்சத்து 48 ஆயிரத்து 800 க்கு ஏலம் போனது. ஏலம் எடுத்தவர்கள் வருகிற 27 தேதிக்குள் 2 மாத காப்புக்கட்டணம் மற்றும் ஒரு மாத உரிமக்கட்டணத்தை டாஸ்மாக் மாவட்ட மேலாளர் அலுவலகத்தில் செலுத்த அவகாசம் வழங்கப்பட்டுள்ளது. ஏலம் போகாத 103 பார்களுக்கு மீண்டும்

Read More

தமிழ் தட்டச்சு உதவியாளர் பணிக்கான தேர்வு நடைபெற்றது

டவுன்ஹால் கார்பரேசன் அலுவலகத்தில் நேற்று முன்தினம் (22/7/15) காலை 10.30 மணியளவில் ஆங்கில தட்டச்சு உதவியாளர் மற்றும் தமிழ் தட்டச்சு உதவியாளர் பணிக்கான தேர்வு நடைபெற்றது..அதில் ஏராளமானோர் பங்கேற்றனர். News by reporter madhumitha

Read More

Untitled

: ஈரோடு மாவட்டத்திலிருந்து. 500 க்கும் மேற்பட்ட பேருந்தகளில் தொண்டர்கள் குவிந்தனர்
: திருச்சியில் கடும் மழை மழையிலும் தொண்டர்கள் ராகுல்காந்தியின் பேச்சை கேட்டனர். மக்கள் பிரச்சினைக்கு தொடர்ந்து குரல் கொடுப்பேன் என்றார்.

Read More