2கால்கள் துண்டாகியது

மேட்டுப்பாளையம் ஓடும் ரெயிலில் ஏற முயன்ற கல்லூரி மாணவர் கிருஷ்ணன் 2கால்கள் துண்டாகியது.மகாதேவபுரத்தை சேர்ந்தவர்.கோவை அரசு கல்லூரியில் BA இரண்டாம் ஆண்டு படித்து வந்தார்.

Read More

தனியார் பஸ் கவிழ்ந்து 15 பேர் பலி; 25 பேர் படுகாயம்

திருப்பூர், ஆக. 25-

ஈரோடிலிருந்து, கோவைக்கு இன்று (25-8-2015) காலை கே.கே.சி., என்ற தனியார் பஸ்  பயணிகளை ஏற்றி சென்று கொண்டிருந்தது. அந்த பஸ் திருப்பூர் அருகே உள்ள பெருமாநல்லூர் பை-பாஸ் ரோட்டில் பழங்கரை அருகே வந்த பொது மன நோயாளி ஒருவர் குறுக்கே வந்ததாக தெரிகிறது. அவர் மீது மோதாமலிருக்க டிரைவர் பஸ்-சை திருப்பினார். இதில் கட்டுப்பாட்டை இழந்த பஸ் கவிழ்ந்து உருண்டது. அளவுக்கதிகமாக பயணிகள் ஏற்றப்பட்ட நிலையில் பஸ்ஸில் பயணம் செய்த 6 பேர், ரோட்டின் குறுக்கே வந்த மன நோயாளி ஒருவர் என மொத்தம் 7 பேர் உடல் நசுங்கி சம்பவ இடத்தில் பலியானார்கள். பலியானவர்கள் விவரம் :-

1) திருப்பூர் புதுப்பாளையம், ஊத்துக்காட்டை சேர்ந்த சுப்பிரமணி மகன் கார்த்திக்(வயது 18) .( இவர் திருப்பூர் ஊராட்சி ஒன்றிய தலைவர் சாமிநாதனி சொந்த அண்ணன் மகன்.)

2) நாமக்க்கல்லை சேர்ந்த ஆறுமுகம் மனைவி யமுனா(40).

3)நாமக்கல் சீதாராமம்பாளையத்தை சேர்ந்த பார்த்தசாரதி (32). இவர் சக்தி எஞ்சினியரிங் கல்லூரி உதவி -பேராசிரியர் 

4)டெல்லியை சேர்ந்த வினித் அகர்வால் மகன் தர்ஷ் அகர்வால் (6). தற்போது ஈரோடு மோசி கார்னரில் வசித்து வருகிறார்கள்.

5)பஸ்-சின் குறுக்கே வந்த மன நோயாளி (யார் என்று அடையாளம் தெரியாதவர்).

மேலும் இருவர் யாரென்று போலீசார்  விசாரித்து வருகிறார்கள்.

இந்த விபத்தில் மேலும் 20க்கும் மேற்பட்டோர் படுகாயமடைந்து, திருப்பூரில் உள்ள தனியார் மருத்துவமனைகளில் சிகிச்சை பெறுகின்றனர். 

இந்த விபத்தால் திருப்பூரில் சோகம் நிலவுகிறது.

Read More

ஈ.வி.கே.எஸ்.இளங்கோவன் வருகை: பவானியில் அதிமுகவினர் போராட்டம்

பவானியில் காங்கிரஸ் பிரமுகரின் இல்லத் திருமணத்துக்கு வருகைதரவிருந்த தமிழக காங்கிரஸ் கமிட்டித் தலைவர் ஈ.வி.கே.எஸ்.இளங்கோவனுக்கு எதிர்ப்பு தெரிவித்து, பவானியில் அதிமுகவினர் கருப்புக் கொடிகளுடன் வெள்ளிக்கிழமை போராட்டத்தில் ஈடுபட்டனர்.

ஈரோடு மாவட்டம், பவானி குருப்பநாயக்கன்பாளையத்தில் ஈரோடு மாவட்ட காங்கிரஸ் துணைத் தலைவர் கே.ஜி.மாணிக்கம் இல்லத் திருமணம் நடைபெற்றது.

இதில் பங்கேற்க தமிழக காங்கிரஸ் கமிட்டித் தலைவர் ஈ.வி.கே.எஸ்.இளங்கோவன் வெள்ளிக்கிழமை வருவதாக தெரிவிக்கப்பட்டிருந்தது.

இந்நிலையில், ஈரோடு வந்த இளங்கோவன், திருமண விழாவில் பங்கேற்க கட்சி நிர்வாகிகளுடன் காரில் பவானிக்கு புறப்பட்டார். இதனையறிந்த, அதிமுகவினர் இளங்கோவனுக்கு கண்டனம் தெரிவிக்கும் வகையில் கருப்புக் கொடிகளுடன் பவானியில், அந்தியூர் – மேட்டுர் பிரிவு சாலையில் திரண்டனர். அப்போது, அடுத்தடுத்து காங்கிரஸ் கொடி கட்டி வந்த கார்களை அதிமுக பவானி நகரச் செயலர் என்.கிருஷ்ணராஜ் தலைமையிலான அதிமுகவினர் வழிமறித்துப் போராட்டத்தில் ஈடுபட்டனர்.இதையடுத்து, அங்கு பாதுகாப்புப் பணியில் இருந்த பவானி காவல் துறையினர் காங்கிரஸ் கட்சியினரின் கார்களை போராட்டக்காரர்களின் பிடியில் இருந்து விடுவித்து அனுப்பி வைத்தனர்.

தொடர்ந்து, பவானி புதிய பேருந்து நிலையம் அருகே அதிமுகவினர் கருப்புக் கொடிகளுடன் ஆர்ப்பாட்டத்தில் ஈடுபட்டனர். இந்நிலையில், குருப்பநாயக்கன்பாளையத்தில் காங்கிரஸ் பவானி வட்டாரத் தலைவர் கே.ஆர்.பூபதி தலைமையில் இளங்கோவனுக்கு வரவேற்பு அளிக்க அக்கட்சியினர் திரண்டிருந்தனர்.ஆனால், ஈ.வி.கே.எஸ்.இளங்கோவன் பவானிக்கு வராததையடுத்து, அதிமுகவினர் கலைந்து சென்றனர்.

Read More

உடல் உறுப்பு தானம் அளிப்பதில் சென்னை சிறந்து விளங்குகிறது

உடல் உறுப்பு தானம் அளிப்பதில் சென்னை சிறந்து விளங்குகிறது என்று சுகாதாரத் துறைச் செயலர் ஜெ.ராதாகிருஷ்ணன் கூறினார்.
மூளைச்சாவு அடைந்து உடல் உறுப்புகள் தானம் செய்தவர்களின் உறவினர்களை கெüரவிக்கும் நிகழ்ச்சி, அப்பல்லோ மருத்துவமனை சார்பில் வெள்ளிக்கிழமை நடைபெற்றது.
நிகழ்ச்சியில் ஜெ.ராதாகிருஷ்ணன் பேசியதாவது:
உடல் உறுப்பு தானத்தில் தமிழகம் சிறந்து விளங்குகிறது. மூளைச்சாவு அடைந்தவர்களிடம் இருந்து உடல் உறுப்புகளை தானம் பெறும் திட்டம் 2008-ஆம் ஆண்டு தொடங்கப்பட்டது. அதில் இருந்து சுமார் 700 பேர் உடல் உறுப்புகளை தானம் அளித்துள்ளனர். இதுவரை 3,761 உடல் உறுப்புகள் தானம் பெறப்பட்டுள்ளன. தமிழகத்தைப் பொருத்தவரை சென்னையில் அதிக அளவு உடல் உறுப்புகள் தானம் அளிக்கப்பட்டுள்ளன என்று அவர் தெரிவித்தார்.
அப்பல்லோ மருத்துவமனையின் உடல் உறுப்பு மாற்று அறுவைச் சிகிச்சை நிபுணர் கூறுகையில், “உடல் உறுப்புகளை தானம் அளிக்கும் சராசரி இந்தியாவில் 10 லட்சம் பேருக்கு 0.6 ஆகும். இது தமிழகத்தில் 1.8 ஆக உள்ளது. ஆனால், சென்னையில் அந்த அளவு 14.6 ஆக அதிகரித்துக் காணப்படுகிறது’ என்றார். அப்பல்லோ மருத்துவமனையின் தலைவர் டாக்டர் பிரதாப் சி.ரெட்டி பேசியதாவது:
இந்தியாவில் முதன்முறையாக 1985-ஆம் ஆண்டு மூளைச்சாவு அடைந்தோரிடம் இருந்து உடல் உறுப்புகள் தானம் பெறப்பட்டன. இந்தியாவில் 25 லட்சம் பேருக்கு கண்கள் தானத்துக்காக காத்திருக்கின்றனர். 2.5 லட்சம் பேருக்கு சிறுநீரக மாற்று அறுவைச் சிகிச்சை தேவைப்படுகிறது. 2 லட்சம் பேர் கல்லீரல், பத்தாயிரம் பேர் இருதய மாற்று அறுவைச் சிகிச்சைக்காக காத்திருக்கின்றனர். எனவே, மூளைச்சாவு அடைந்தோர் தானம் அளிப்பது குறித்த விழிப்புணர்வு அதிகரிக்க வேண்டியது அவசியம் என்றார்.
மருத்துவமனையின் செயல் துணைத் தலைவர் டாக்டர் ப்ரீதா ரெட்டி, மருத்துவமனையின் மருத்துவக் கல்வி இயக்குநர் சத்தியபாமா உள்ளிட்டோர் நிகழ்ச்சியில் கலந்து கொண்டனர்.
உடல் உறுப்பு தானம் வழங்கிய 20 பேரின் குடும்பத்தினர் நிகழ்ச்சியில் கெüரவிக்கப்பட்டனர்

Read More

சிறுவர்கள் திரண்டு மது அருந்துதல், கஞ்சா புகைப்பது போன்ற செயல்கள

சென்னை மயிலாப்பூர் பகுதியில் 16 வயது கூட நிரம்பாத சிறுவர்கள் திரண்டு மது அருந்துதல், கஞ்சா புகைப்பது போன்ற செயல்களில் ஈடுபட்டு வந்தனர்.

இதனை சென்னை சாந்தோம் அருகே உள்ள நொச்சி நகரை சேர்ந்தள் சதீஷ்-ரதி. என்பவரது 7 வயது மகன் லோகேஷ் பார்த்து விட்டு தனது பாட்டி பிரேமாவிடம் போய் அடிக்கடி கூறியுள்ளான். எனவே பிரேமா அவர்களை கண்டித்துள்ளார்.

இந்நிலையில் நேற்று காலையில் இருந்து லோகேசை காணவில்லை. அவன் எங்கு சென்றான்? என்ன ஆனான் என்பது தெரியாமல் இருந்தது. இது பற்றி மயிலாப்பூர் போலீசில் புகார் செய்யப்பட்டது. போலீசார் வழக்கு பதிவு செய்து மாயமான லோகேசை தேடி வந்தனர். இதையடுத்து

அதே பகுதியில் உள்ள கழிவறை ஒன்றில் லோகேஷ் காயங்களுடன் பிணமாக கிடந்தான். அவனது கழுத்து, முகம் உள்ளிட்ட இடங்களில் ரத்தக் காயங்கள் இருந்தது. இதுபற்றி தகவல் கிடைத்ததும் துணை கமிஷனர் பாலகிருஷ்ணன் உத்தரவின் பேரில் மயிலாப்பூர் போலீஸ் இன்ஸ்பெக்டர் ஷாம் வின்சென்ட் அங்கு விரைந்து சென்று லோகேசின் உடலை கைப்பற்றி ராயப்பேட்டை அரசு ஆஸ்பத்திரிக்கு அனுப்பி வைத்தார். சிறுவன் லோகேஷ், கழுத்தை இறுக்கி அடித்து கொலை செய்யப்பட்டிருப்பது தெரிய வந்தது.

இச்சம்பவம் அப்பகுதி மக்களையும், போலீசாரையும் கடும் அதிர்ச்சியில் ஆழ்த்தியது. இது தொடர்பாக மயிலாப்பூர் போலீசார் 6 சிறுவர்களை பிடித்து விசாரணை நடத்தினர். அப்போது நேற்று காலையில் இட்லி வாங்குவதற்காக கடைக்கு சென்ற லோகேசை, போதை சிறுவர்கள் சிலர் வாயை பொத்தி தூக்கிச் சென்று கழுத்தை இறுக்கி துடிக்க துடிக்க கொலை செய்துள்ளனர் என்பது தெரியவந்துள்ளது. மேலும் இதுகுறித்து போலீஸார் தீவிர விசாரணை மேற்கொண்டுள்ளனர்.

Read More

அரசுப் பள்ளிக்குத் தேவையான ஆசிரியர்களை நியமிக்க வேண்டும்

காங்கயம் அருகே பழையகோட்டைப்புதூர் கிராமத்தில் உள்ள ஊராட்சி ஒன்றிய நடுநிலைப் பள்ளிக்குத் தேவையான ஆசிரியர்களை உடனடியாக நியமிக்க வேண்டும் என அந்த ஊர் கிராம சபைக் கூட்டத்தில் தீர்மானம் நிறைவேற்றப்பட்டுள்ளது.

பழையகோட்டை ஊராட்சியில் கிராம சபைக் கூட்டம், ஊராட்சித் தலைவர் சி.எம்.சண்முகசேகரன் தலைமையில் நடைபெற்றது.

இக்கூட்டத்தில் நிறைவேற்றப்பட்ட தீர்மானங்கள் விவரம்:

பழையகோட்டைப்புதூர் ஊராட்சி ஒன்றிய நடுநிலைப் பள்ளியில் போதுமான ஆசிரியர்கள் இல்லாததால் குழந்தைகளின் கல்வி பாதிக்கப்படுகிறது. கடந்த 8 மாதங்களாகக் காலியாக உள்ள ஒரு இடைநிலை ஆசிரியர் பணியிடத்தை உடனே நிரப்பவேண்டும். இப்பள்ளியில், ஐந்தாம் வகுப்புகள் வரை 94 குழந்தைகள் படித்து வருவதால், கூடுதலாக ஒரு இடைநிலை ஆசிரியரை நியமிக்க வேண்டும். மேலும், 6 ஆம் வகுப்பு முதல் 8ஆம் வகுப்பு வரை தலைமையாசிரியர் மற்றும் வரலாறு பட்டதாரி ஆசிரியர் ஆகிய இருவர் மட்டுமே கல்வி கற்பிக்கின்றனர். கணிதம் அல்லது அறிவியல் பட்டதாரி ஆசிரியரை புதிதாக நியமிக்க வேண்டும். இங்கு, கணினி வழிக் கற்றல் மையம் இருப்பதால் கணினி ஆசிரியரையும் நியமிக்க வேண்டும் என்பன உள்ளிட்ட பல்வேறு தீர்மானங்கள் நிறைவேற்றப்பட்டன.

கூட்டத்தில், ஊராட்சி ஒன்றியக் குழு உறுப்பினர் கே.ராமசாமி, ஊராட்சி துணைத் தலைவர் எஸ்.நல்லமுத்து, ஊரக வளர்ச்சிப் பொறியாளர் ரமேஸ்குமார், பழையகோட்டை கிராம நிர்வாக அலுவலர் ரா.பார்த்திபன், குட்டப்பாளையம் கிராம நிர்வாக அலுவலர் யுவராணி உள்பட பலர் கலந்து கொண்டனர்.

Read More

மருத்துவமனையில் இளையராஜா அனுமதி

Ilayaraja4இசை அமைப்பாளர் இளையராஜா (72) நெஞ்சு வலி காரணமாக சென்னை கிரீம்ஸ் சாலையில் உள்ள தனியார் மருத்துவமனையில் அனுமதிக்கப்பட்டுள்ளார்.

இளையராஜாவுக்கு வெள்ளிக்கிழமை இரவு மார்பில் வலியுடன் அசௌகரிய நிலை ஏற்பட்டது. இதையடுத்து, அவரது குடும்பத்தினர் அவரை அப்பல்லோ மருத்துவமனையில் சேர்த்தனர். இருதய தீவிர சிகிச்சைப் பிரிவில் அவரை அனுமதித்து, ஆஞ்சியோகிராம் உள்ளிட்ட மருத்துவப் பரிசோதனைகள் செய்யப்பட்டதாகவும் அவர் தற்போது நலமாக உள்ளதாகவும் டாக்டர்கள் தெரிவித்தனர். இளையராஜாவுக்கு இருதய சிகிச்சை மீண்டும் தேவையா என்பது குறித்து ஓரிரு நாள்களில் முடிவு செய்யப்படும் என்று டாக்டர்கள் தெரிவித்தனர்.

இரண்டு ஆண்டுகளுக்கு முன்னர்… பிரசாத் ஸ்டுடியோவில் இரண்டு ஆண்டுகளுக்கு முன்பு (2013-ஆம் ஆண்டு) பாடல் இசை அமைப்பில் இளையராஜா ஈடுபட்டபோது, அவருக்கு லேசான நெஞ்சு வலி ஏற்பட்டது. அப்போது அப்பல்லோ மருத்துவமனையின் தீவிர சிகிச்சைப் பிரிவில் அனுமதிக்கப்பட்டார்.

அப்போது ஆஞ்சியோகிராம் உள்ளிட்ட பரிசோதனைகள் செய்யப்பட்டு, இருதய ரத்தக் குழாயில் அடைப்பு இருப்பது கண்டுபிடிக்கப்பட்டது.

இருதய ஆஞ்சியோ பிளாஸ்ட்டி-ஸ்டென்ட் சிகிச்சையை இளையராஜா செய்து கொண்டு 5 நாள்களில் அப்போது வீடு திரும்பினார்.

Read More

ஈரோடு மாவட்டத்தில் சுதந்திரதின விழா கோலாகலம்

ஈரோடு மாவட்டத்தில் சுதந்திரதின விழா கோலாகலம் ஈரோடு பன்னீர்செல்வம் பூங்காவில் நடைபெற்ற விழாவில் மாவட்ட ஆட்சியர் பிரபாகரன் கொடி ஏற்றினார்.பின்னர் கலைநிகழ்ச்சிகள் நடைபெற்றது.ஈரோடு மாவட்டத்தில் வீர தீர செயலகள் புரிந்தோர்களுக்கு ஈரோடு மாவட்ட ஆட்சியர் விருது வழங்கி சிறப்புரை ஆற்றினார்.கோபி பகுதிகளில் சுதந்திர தின கொண்டாட்டம் கோலாகலம் அனைத்து பள்ளி கல்லூரி களிலும் அப்பகுதி பிரமுகர்கள் தேசியகொடி ஏற்றினா் கோபி வட்டாட்சியர் அலுவலகத்தில் வட்டாட்சியர் அசோக்குமார் கொடி ஏற்றினார்,கோட்டாச்சியர் அலுவலகத்தில் கோபி கோட்டாச்சியர் கிருஷ்ணன் உண்ணி கொடி ஏற்றி சிறப்புரை ஆற்றினார். நமது செய்தியாளர் K.S.கோதண்டன்

Read More

ஆடி அமாவாசை : பவானி கூடுதுறையில் பலத்த பாதுகாப்பு

ஆடி அமாவாசையை முன்னிட்டு பவானி கூடுதுறையில் தோஷம், பரிகாரம் மற்றும் மூத்தோர் வழிபாடுகளை வெள்ளிக்கிழமை (ஆகஸ்ட் 14) நடத்துவதற்குத் தேவையான ஏற்பாடுகள் கோயில் நிர்வாகத்தின் சார்பில் செய்யப்பட்டுள்ளன.
பரிகாரம் மற்றும் மூத்தோர் வழிபாட்டுக்கு ஆடி, புரட்டாசி, தை மாதங்களில் வரும் அமாவாசை தினங்கள் சிறப்பானவை. இந்நாளில் நதிக்கரையோரத்தில் மூத்தோர் வழிபாடு நடத்தி, நதியில் நீராடினால் தீயன கழிந்து நன்மைகள் பிறக்கும் என்பது நம்பிக்கை. அதனால், இந்நாளில் ஏராளமானோர் நீர்நிலைகளில் வழிபாடு நடத்துவது வழக்கம்.
அதன்படி, காவிரி, பவானி நதிகள் சங்கமிக்கும் கூடுதுறையில் ஆண்டுதோறும் ஆடி அமாவாசை வழிபாடு மிகச்சிறப்பாக நடைபெறும். இந்நாளில், ஏராளமானோர் தங்களது மூத்தோருக்கு பிண்டம், எள் தண்ணீர் வைத்து வழிபடுவர்.
இந்த ஆண்டு, ஆடி அமாவாசையும், ஆடி வெள்ளிக்கிழமையும் ஒரே நாளில் வருவது மிகச் சிறப்பானதாகக் கருதப்படுகிறது. எனவே, பவானி கூடுதுறைக்கு ஏராளமான பக்தர்கள் வருவார்கள் என எதிர்பார்க்கப்படுகிறது. அவர்கள் வழிபாட்டுக்கு வெள்ளிக்கிழமை அதிகாலை முதல் அனுமதிக்கப்படுவர். இதற்காக, தாற்காலிக பரிகார மண்டபங்கள் கூடுதுறை பகுதியில் அமைக்கப்பட்டுள்ளன. காவிரியில் தற்போது தண்ணீர் திறந்து விடப்பட்டுள்ளதால் பக்தர்கள் ஆழமான பகுதிக்குச் செல்வதைத் தடுக்க தீயணைப்புத் துறையினர், காவல் துறையினர் கண்காணிப்புப் பணியில் ஈடுபடவுள்ளனர்.
பவானி காவல் துணைக் கண்காணிப்பாளர் ஜானகிராம் தலைமையில் காவல் துறையினர் பாதுகாப்புப் பணியில் ஈடுபடுவர். சங்கமேஸ்வரர் கோயில், வேதநாயகி அம்மன் சன்னதி, ஆதிகேசவப் பெருமாள் சன்னதிகளில் பக்தர்கள் வரிசையாகச் சென்று சுவாமி வழிபாடு மேற்கொள்ளத் தடுப்புகள் அமைக்கப்பட்டுள்ளன

Read More

செம்பருத்தி நாளிதழ் மற்றும் திருப்பூர் தொலைக்காட்சி இனைந்து வழங்கும் 68வது சுதந்திர கொண்டாட்டம்

செம்பருத்தி நாளிதழ் மற்றும் திருப்பூர் தொலைக்காட்சி இனைந்து வழங்கும் 68வது சுதந்திர கொண்டாட்டம் அனைத்து பள்ளி ,கல்லூரி மாணவிகளூம் இல்லத்தரசிகளும் கலந்து கொள்ளலாம்

போட்டிகள் நடைபெறும் இடம் : ரம்யா தையற்பள்ளி
நேரம் :சனிக்கிழமை ,11 மணிமுதல்
மேலும் விவரம் அறிய நமது திருப்பூர் தொலைக்காட்சியைப் பார்க்கவும்

தொடர்பிற்கு :
9842277917
9952371982
9442866733

Read More