பெண்ணை தாக்கியவர் கைது

திருப்பூர் கோல்டன் நகரை சேர்ந்த பூபதி மனைவி சரஸ்வதி, 48. இவரது மகன் சிவப்பிரகாசமும், குத்தூஸ்புரத்தை சேர்ந்த சேகரும், கூட்டாக பால் ஏஜன்சி நடத்துகின்றனர். சிவப்பிரகாசம், வீட்டுக்குச் செல்லாமல், பெரும்பாலும் சேகர் வீட்டிலேயே தங்கியுள்ளார். சேகரிடம், சரஸ்வதி கேட்டபோது தகராறு ஏற்பட்டது. சேகரும், அவரது மனைவி உஷாவும் சேர்ந்து சரஸ்வதியை தாக்கி, மிரட்டல் விடுத்தனர். வடக்கு போலீசார், சேகரை கைது செய்து சிறையில் அடைத்தனர்.

Read More

5 ரூபாய்க்கு சென்னை சிறுவன் விற்பனை? விசாரணையை துவங்கியது மத்திய அரசு

சென்னை: ‘க்விக்கர்.காம்’ இணைய தளத்தில், ‘சென்னை சிறுவன் விற்பனைக்கு…’ என, விளம்பரம் வெளியிட்ட நபரை போலீசார் தேடி வருகின்றனர். இந்த விளம்பரத்தை வெளியிட அனுமதித்த, இணையதள நிர்வாகத்துக்கு, மத்திய தகவல் ஒலிபரப்புத் துறை, ‘நோட்டீஸ்’ அனுப்பியுள்ளது.

 

விளம்பரம்: ‘சென்னை, திருவல்லிக்கேணியைச் சேர்ந்த, ராகுல் என்ற சிறுவன், 5 ரூபாய்க்கு விற்பனைக்கு உள்ளான். தொடர்புக்கு – ஹமீதியா காம்பளக்ஸ், திருவல்லிக்கேணி’ என்ற வாசகங்கள் இடம் பெற்ற விளம்பரம், கடந்த டிசம்பரில், ‘க்விக்கர்.காம்’ இணையதளத்தில் வெளியானது. இதை கண்டு அதிர்ச்சியடைந்த, தமிழ்நாடு குழந்தைகள் பாதுகாப்பு கண்காணிப்பகம், தேசிய குழந்தைகள் உரிமைகள் ஆணையத்திடம் புகார் செய்தது. ‘இப்புகார் மீது, விசாரணை நடத்த வேண்டும்; விசாரணை அறிக்கையை, 10 நாட்களுக்குள் தர வேண்டும்’ என, மத்திய தகவல் மற்றும் ஒலிபரப்புத் துறையை, தேசிய குழந்தைகள் உரிமைகள் ஆணையம், ஜன., 14ம் தேதி கேட்டுக் கொண்டது. உடனே மத்திய அரசு, ‘க்விக்கர்.காம்’ இணையதள நிர்வாகத்துக்கு, ‘நோட்டீஸ்’ அனுப்பி உள்ளதோடு, விளம்பரம் கொடுத்தவரை பிடிக்கும்படி, தமிழக போலீசுக்கும் உத்தரவிட்டுள்ளது. இச்சம்பவம் குறித்து, ‘க்விக்கர்.காம்’ இணையதள நிர்வாகத்தைச் சேர்ந்த, பெயர் வெளியிட விரும்பாதவர் கூறுகையில், ‘தினமும் பல ஆயிரம் பேர், நாட்டின் பல்வேறு மூலைகளில் இருந்து, ‘க்விக்கர்.காம்’ இணையதளத்தில் விளம்பரம் செய்கின்றனர். இந்த விளம்பரங்களை, சரிபார்க்க போதிய ஆட்கள் இல்லை. விளம்பரம் செய்தவரின் விவரமும் இல்லை’ என்றார்.

 

இணையதளத்தின் இந்த பதிலை, குழந்தை உரிமை ஆர்வலர்கள் ஏற்க மறுக்கின்றனர். இதுகுறித்து, அவர்கள் கூறியதாவது:

 

முகவரி: ஊடகங்களில் விளம்பரம் செய்வோர், தங்கள் முகவரியை அளிக்க வேண்டும். எப்படிப்பட்ட விளம்பரங்களை வெளியிடலாம் என்ற, கட்டுப்பாடும், ஊடகங்களுக்கு உண்டு. இணையத்தில், ஒரு தகவலை வெளியிடுகிறோம் என்றால், அதை யார், எங்கிருந்து, எந்த உபகரணம் மூலம் வெளியிட்டார் என்பதை கண்டறிய முடியும். ‘க்விக்கர்.காம்’ இணையதளத்தில், சிறுவன் விற்பனைக்கு என்ற, விளம்பரத்தை வெளியிட்டவர் பற்றிய, விவரத்தை சேகரிப்பது கடினமான ஒன்று அல்ல. எனவே சம்பந்தப்பட்டவரை, பிடித்து நடவடிக்கை எடுக்க வேண்டும். இவ்வாறு, அவர்கள் கூறினர்.

 

‘க்விக்கர்.காம்’ செய்வது என்ன? பயன்படுத்திய பொருட்களை விற்பனை செய்வதற்கான விளம்பரங்களை வெளியிடும் தளமாக, ‘க்விக்கர்.காம்’ இணையம் உள்ளது. இதில், உறுப்பினராக சேர்ந்த பின், தாங்கள் விரும்பும் பொருட்களை, விற்பனை செய்ய, விளம்பரங்கள் செய்யலாம். விளம்பரம் செய்யும் பொருளின் புகைப்படம், அதன் பயன்பாடு, விலை ஆகியவற்றை பொருளின் சொந்தக்காரரே முடிவு செய்யலாம். இதன் மூலம், பயன்படுத்திய பொருட்களை, விற்பனை செய்வது எளிது என, ‘க்விக்கர்.காம்’ இணையதளமும், விளம்பரம் செய்து வருகிறது.

 

Read More

10 ஆயிரம்!

திருப்பூர்: “மாவட்டத்தில், கடந்த ஒரு மாதத்தில் 10 ஆயிரம் பேருக்கு ஆதார் பதிவு நடந்துள்ளது. அதிகம் பேர் விடுபட்ட வார்டுகளில் இருந்து கோரிக்கை வைக்கப்

பட்டால், சிறப்பு முகாம் நடத்தவும் தயார்’ என, ஆதார் பொறுப்பு அதிகாரிகள் தெரிவித்தனர்.

திருப்பூர் மாவட்ட மக்கள் தொகையில், தகுதியானவர்களில் 60 சதவீதம் பேருக்கு, ஆதார் பதிவு நடைபெற்றுள்ளது. கடந்த டிச.,1ம் தேதி முதல், மாநகராட்சி மற்றும் தாலுகா அலுவலகம் வாரியாக, நிரந்தர முகாம் அமைக்கப்பட்டு, பதிவுப்பணிகள் நடைபெற்று வருகின்றன.கடந்த ஆண்டுகளில், வார்டு வாரியாக ஆதார் பதிவு முகாம் நடத்தப்பட்டது. அப்போது, சாயத்தொழில் பிரச்னையால் தொழில்கள் பாதிக்கப்பட்டு, திருப்பூரில் வசித்த வெளி மாவட்ட தொழிலாளர்கள் பலர், வெளியேறிவிட்டனர். இதனால், ஆதார் பதிவுப்பணியில், திருப்பூர் மாவட்டம் பின்தங்கியது.

கடந்த மாதம் நிரந்தர முகாம் துவங்கியதும், பொதுமக்கள் ஆர்வத்துடன் வந்தனர். மக்கள் எண்ணிக்கை அதிகரித்ததால், ஆதார் பதிவு முகாம்கள் மாற்றி அமைக்கப்பட்டன. அதன்படி, பட்டியலில் பெயர் இருந்தும், பதிவு செய்யாமல் விடுபட்டிருந்தவர்களுக்கு மட்டும், தற்போது பதிவு நடைபெற்று வருகிறது. புதிதாக விண்ணப்பிப்பதற்கான படிவம் வழங்குவது, தற்காலிகமாக ஒத்திவைக்கப்பட்டுள்ளது. மற்றவர்கள், மார்ச் மாதத்துக்கு பிறகு விண்ணப்பித்து, டோக்கன் வழங்கப்படும் நாளில், குடும்பத்துடன் வந்து பதிவு செய்ய, ஏற்பாடு செய்யப்பட்டுள்ளது.

விடுபட்டுள்ள மக்களின் எண்ணிக்கை அதிகமாக உள்ளதால், நிரந்தர முகாம்களில் பதிவுப்பணியை மேற்கொள்வது, பெரும் சவாலாக இருக்கும். எனவே, விடுபட்டவர்களுக்கான பதிவு முடிந்ததும், வரும் மார்ச் மாதத்தில் இருந்து, வார்டுக்கு 2 நாட்கள் வீதம் சென்று, பதிவு செய்ய வேண்டும். சரியான நேரத்தில் முன்னறி

விப்பு செய்து இம்முகாம்களை நடத்தினால், விடுபட்டவர்களுக்கு பயனாக இருக்கும். இது குறித்து, ஆதார் பொறுப்பு அதிகாரிகளிடம் கேட்டபோது,

“திருப்பூர் மாவட்டத்தில், கடந்த ஒரு மாதத்தில் 10 ஆயிரம் பேரின் உடற்கூறுகள் பதிவு செய்யப்பட்டுள்ளன. வரும் மார்ச் மாதத்துக்குள் 30 ஆயிரம் பேருக்கு பதிவு நடக்கும். அதன் பிறகே, புதிதாக விண்ணப்பம் செய்வதற்கு, படிவம் வழங்கப்படும். படிவத்தை பூர்த்தி செய்து விண்ணப்பம் செய்வோரின் விவரங்களை கம்ப்யூட்டரில் பதிவு செய்து, குறிப்பிட்ட நாட்களில் உடற்கூறு பதிவு நடக்கும். ஒரே வார்டில் அதிகப்படியானவர்கள் விடுபட்டிருந்து, விண்ணப் பித்திருந்தால், கவுன்சிலர்களின் வேண்டுகோளை ஏற்று, அந்தந்த வார்டுகளில் சிறப்பு முகாம் நடத்தவும் தயாராக இருக்கிறோம்,’ என்றனர்.

Read More

பேரூராட்சிகளில் புகையில்லா பொங்கல் விழிப்புணர்வு நிகழ்ச்சி

அனுப்பர்பாளையம், : அவிநாசி பேரூராட்சி மன்றத்தின் சார்பில், புகையில்லா பொங்கல் விழிப்புணர்வு நிகழ்ச்சி நேற்று ஜெகதாம்பாள்ராஜசேகரன் தலைமையில் நடைபெற்றது. பேரூராட்சி செயல் அலுவலர் மணிச்சாமி, துணைத் தலைவர் மூர்த்தி ஆகியோர் முன்னிலை வகித்தனர்.
இது குறித்து செயல் அலுவலர் மணிச்சாமி கூறியது: திருப்பூர் மாவட்ட ஆட்சியர் உத்திரவின்படி பொங்கல் திருவிழாவை புகையில்லா பொங்கல் பண்டிகையாக கொண் டாட வேண்டும் என அறிவுறுத்தப்பட்டுள்ளது. அதன்படி அவிநாசி பேரூராட்சியில் ஜனவரி 7 முதல் போகிப்பண்டிகையான 14ம் தேதி வரை பொதுமக்களுக்கு விழிப்புணர்வு ஏற்படுத்தப்படவுள்ளது. இதில் பொதுமக்களால் பிளா ஸ்டிக் முதலான பழைய பொருட்களை தீயிட்டு கொளுத்தி சுற்றுச்சூழலை மாசுபடுத்துவதை தடை செய்ய வலியுறுத்தப்பட்டது. பள்ளிகுழந்தைகள் மூலம் அவரவர் வீடுகளில் பழையபொருட்களை தீயிட்டு கொளுத்தாமல் பேரூராட்சி துப்புரவுப் பணியாளர்கள் வாகனங்களில் ஒப்படைக்க வேண்டும் என பெற்றோர்களிடம் வலியுறுத்த அறிவுறுத்தப்பட்டுள்ளது என்றார்.
இதே போல திருமுருகன்பூண்டி பேரூராட்சி மன்றத்தின் சார்பில், இராக்கியாபாளையம் அரசு உயர்நிலைப்பள்ளியில் புகையில்லா பொங்கல் விழிப்புணர்வு நிகழ்ச்சி நேற்று செயல் அலுவலர் நந்தகோபால் தலைமையில்  நடைபெற்றது.

Read More

ஓவியப்போட்டியில் ஊத்துக்குளி கொங்கு பள்ளி மாணவர் முதலிடம்

திருப்பூர், ஈரோடு மாவட்ட அளவிலான பழனிகுப்புசாமி கவுண்டர் நினைவு 13ம் ஆண்டு தமிழ் இலக்கிய மன்ற போட்டிகள் ஊத்துக்குளி கொங்கு மெட்ரிக் மேல்நிலைப்பள்ளி வளாகத்தில் நடந்தது. பேச்சு, ஓவியம் மற்றும் வினாடி-வினா போட்டிகளில் திருப்பூர் மற்றும் ஈரோடு மாவட்டத்தை சேர்ந்த 18 பள்ளிகளிலிருந்து மாணவ, மாணவிகள் பங்கேற்றனர்.
இதைதொடர்ந்து மாலையில் பரிசளிப்பு விழா நடந்தது. விழாவுக்கு பள்ளித்தலைவர் தியாகராஜன் தலைமை தாங்கி தமிழ்துறை சம்பந்தமான கண்காட்சியை தொடங்கி வைத்தார். நிர்வாகக்குழு உறுப்பினர் நளினி ராமசாமி குத்துவிளக்கு ஏற்றினார். பள்ளி செயலாளர் செந்தில்நாதன், பொருளாளர் சந்திரசேகர், நிர்வாகக்குழு உறுப்பினர்கள் சாமியப்பன், பெரியசாமி மற்றும் ராமசாமி ஆகியோர் முன்னிலை வகித்தனர். பள்ளி முதல்வர் கிருஷ்ணமூர்த்தி வரவேற்று பேசினார்.
போட்டியில் வெற்றி பெற்றவர்கள் வருமாறு: 6 முதல் 8ம் வகுப்பு வரை படிக்கும் மாணவ, மாணவிகளுக்கான பேச்சுப்போட்டியில் சிவன்மலை ஜேசீஸ் பள்ளி மாணவி ஹரிணிப்பிரியா முதல் இடமும், ஈரோடு ஏ.இ.டி.பள்ளி மாணவர் கவுசிக்கன் 2ம் இடம், ஊத்துக்குளி கொங்கு பள்ளி மாணவர் பாலாஜி 3ம் இடமும் பெற்றனர். 9 முதல் பிளஸ்-2 வரை உள்ள மாணவர்களுக்கான போட்டியில் ஈரோடு ஏ.இ.டி.பள்ளி மாணவர் கவுரிசங்கர் முதல் இடமும், சிவன்மலை ஜேசீஸ் பள்ளி மாணவி ரஞ்சனி 2-ம் இடமும், திருப்பூர் கொங்கு பள்ளி மாணவி சுபாஷினி 3-ம் இடமும் பெற்றனர். 6 முதல் 8-ம் வகுப்பு வரை படிக்கும் மாணவ, மாணவிகளுக்கான ஓவியப்போட்டியில் சிவன்மலை ஜேசீஸ் பள்ளி மாணவி அழகுசுஜா முதல் இடமும், குன்னத்தூர் கொங்கு பள்ளி மாணவர் பிரசாந்த் 2-ம் இடமும், திருப்பூர் விவேகானந்தா பள்ளி மாணவி இஷா 3-ம் இடமும் பெற்றனர். கொங்கு பள்ளி மாணவி ரம்யாவிற்கு ஆறுதல் பரிசு வழங்கப்பட்டது.
அதேபோல் 9 முதல் பிளஸ்-2 வரை உள்ள மாணவர்களுக்கான ஓவியப்போட்டியில் ஊத்துக்குளி கொங்கு பள்ளி மாணவர் கவுரிசங்கர் முதல் இடமும், பலவஞ்சிபாளையம் வேலவன் பள்ளி மாணவி மோனிஷா 2-ம் இடமும், திருப்பூர் விவேகானந்தா பள்ளி மாணவி அபிராமி 3-ம் இடமும் பெற்றனர். 15-வேலம்பாளையம் சாரதா பள்ளி மாணவி மிருதுளாவுக்கு ஆறுதல் பரிசு வழங்கப்பட்டது.
6 முதல் 8-ம் வகுப்பு வரை படிக்கும் மாணவ, மாணவிகளுக்கான வினாடி-வினா போட்டியில் பலவஞ்சிபாளையம் வேலவன் பள்ளியை சேர்ந்த தினகரன், வசந்த் ஜோடி முதல் இடத்தையும், 15 வேலம்பாளையம் சாரதா பள்ளியை சேர்ந்த கவியரசு, ஸ்ரேயா ஜோடி 2-ம் இடமும், ஈரோடு ஏ.இ.டி.பள்ளியை சேர்ந்த தியான் அபர்ணா, சுவாதி ஜோடி 3-ம் இடத்தையும் பெற்றனர். அதேபோல் 9 முதல் பிளஸ்-2 வரை படிக்கும் மாணவ, மாணவிகளுக்கான போட்டியில் ஈரோடு ஏ.இ.டி. பள்ளியை சேர்ந்த அண்ணாமலை அபர்ணா, கார்த்திகேயன் ஜோடி முதல் இடமும், மொரட்டுபாளையம் அரசு பள்ளியை சேர்ந்த துர்கா, ஜெயகுமார் ஜோடி 2-ம் இடமும், சிவன்மலை ஜேசீஸ் பள்ளியை சேர்ந்த சிவசக்தி, ரமேஷ் ஜோடி 3-ம் இடத்தையும் பெற்றனர்.
வெற்றி பெற்ற மாணவ, மாணவிகளுக்கு கோவை முனைவர். திலகவதி சண்முகசுந்தரம் பரிசுகள் வழங்கி பாராட்டி பேசினார். விழாவிற்கான ஏற்பாடுகளை பள்ளி நிர்வாகக்குழு உறுப்பினர் கீதாராணி தியாகராஜன் செய்து இருந்தார். விழாவினை பள்ளி தமிழ்ஆசிரியர் ராசகுமாரன் தொகுத்து வழங்கினார். முடிவில் தமிழ் ஆசிரியர் ஸ்டீபன் நன்றி கூறினார்.

Read More

needle

தடுப்பூசிகளின் விபரீதம்

நம் வீட்டில் ஒரு குழந்தை பிறந்துவிட்டால் போதும் ஒரு பெரிய அட்டவணை வைத்துக்கொண்டு அதற்கு இதற்க்கு என்று ஆயிரத்தெட்டு தடுப்பூசிகள் போடுகிறோம், போதாத குறைக்கு இடை இடையே சொட்டுமருந்துகள் வேறு கொடுக்கிறோம். இதெல்லாம் ஏன் கொடுக்க வேண்டும் என்று நீங்கள் என்றாவது சிந்தித்ததுண்டா ?

எல்லாம் குழந்தைகளின் நல்லதுக்கு தானே அவர்களை உயிர்கொல்லி நோயிலிருந்து பாதுகாக்க தான் என்று நாம் நினைத்தால் நம்மை விட ஏமாளிகள் வேறு யாரும் இருக்க முடியாது.

உலகத்தில் உள்ள உயிர்கொல்லி நோய்கள் அனைத்திற்கும் சேர்த்து நம் குழந்தைக்கு தடுப்பூசி போட்டாச்சு ஆனாலும் மாதம் மாதம் மருத்துவமனைகளுக்கு ஜுரம், வைரஸ் ஜுரம் ,வாந்தி,பேதி, மலேரியா என்று பிள்ளைகளை கூட்டிகொண்டு நடையா நடக்கிறீர்களே உயிர்கொல்லி நோயை எதிர்க்கும் அளவிற்கு தயார்படுத்தபட்ட உங்கள் குழந்தையின் உடம்பினால் ஜுஜுபி ஜுரத்தை கட்டுப்படுத்த முடியவில்லையே ஏன் ? என்று என்றாவது யோசித்ததுண்டா …?

அது வேற ஒண்ணுமில்ல சொல்ல சொல்ல கேட்காம ஐஸ் வாட்டர் குடுச்சான்,பச்ச தண்ணிகுடுச்சா என்று உங்கள் பிள்ளைகளை தான் குறைகூறுவீர்கள். ஆனால் உண்மை என்னவோ அதுவல்ல ..

நீங்கள் எதை உங்கள் பிள்ளைகளின் உடல் நலத்திற்கு நல்லது என்று கூறி தடுப்பூசியாகவோ, சொட்டு மருந்தாகவோ போட்டீர்களோ அதன் பக்கவிளைவுகள் என்றால் உங்களால் நம்ப முடியாது ஆனால் அதைவிட அதிர்ச்சியூட்டும் விஷயம் என்ன தெரியுமா ?

நீங்கள் எந்த நோய் வரக்கூடாது என்று நினைத்துகொண்டு தடுப்பூசி போடுகிறீர்களோ அந்த தடுப்பூசியில் இருப்பது அதே நோய் கிருமி தான்… நோயிற்க்கான மருந்து அல்ல…. மண்டை குலம்புகிறதா..? தொடர்ந்து படியுங்கள் நீண்ட கட்டுரை இது மிக முக்கிய செய்திகளை உள்ளடக்கியது.

போலியோ சொட்டு மருந்து :

போலியோ சொட்டு மருந்தால்தான் போலியோ உள்பட பல நோய்கள் ஏற்படுகின்றன என்றால் நம்ப முடிகிறதா..? இந்த உண்மையை சொல்பவர் யாரோ, எவரோ அல்ல. போலியோ சொட்டு மருந்தை கண்டுபிடித்தவரே தான். ”1961ம் ஆண்டுக்குப் பின், அமெரிக்காவில் ஏற்பட்ட அனைத்து போலியோவுக்கும் காரணம் போலியோ சொட்டு மருந்துதான்!” என்று அமெரிக்க செனட் கமிட்டியில் ஒப்புக் கொண்டிருக்கிறார் ஜோனல் சால்க். இவர்தான் போலியோ சொட்டு மருந்தை கண்டுபிடித்தவர். ”போலியோவிலிருந்து பாதுகாத்துக் கொள்ள கொடுக்கப்பட்ட தீவிர தடுப்பு மருந்து முயற்சிக்குப் பின்னரும், இம்மருந்தால் பெருமளவு பலன் ஏதும் ஏற்படவில்லை என்பது அரசு ஆவணங்களை உற்று நோக்கும்போது தெரிகிறது…” இப்படி சொன்னவரும் போலியோ தடுப்பு மருந்தை உருவாக்கியவர்தான். அவர், சாபின்.

அம்மை நோய்க்கான மருந்தை 1796ல் எட்வர்ட் ஜென்னர் கண்டுபிடித்தார். தன்னுடைய மகனுக்கு முதன்முதலில் இந்த மருந்தை கொடுத்து தன் கண்டுபிடிப்பை நிரூபித்தார். அனைத்து மருத்துவர்களாலும் இந்த மருந்து ஏற்றுக்கொள்ளப்பட்ட பின்பு அந்த வேதனையான சம்பவம் நிகழ்ந்தது. ஆமாம், சிலவருடங்களில் அம்மை தடுப்பு மருந்து முதன்முதலில் யாருக்கு போடப்பட்டதோ, அந்த ஜென்னருடைய மகனும், இன்னொருவரும் மருந்தின் வீரியத்தால் மரணமடைந்தனர். இதனால் எட்வர்ட் ஜென்னர் தன்னுடைய 2வது மகனுக்கு அம்மைத் தடுப்பூசியை போடவில்லை. ஆனால், அதற்குள் உலகம் முழுவதும் அம்மைத் தடுப்பூசி புழக்கத்துக்கு வந்துவிட்டது…

மேலே சொன்ன சம்பவங்கள் முதலாளித்துவத்தின் கோர பசிக்கு மனிதர்கள் தடுப்பூசிகள் என்ற பெயரில் இரையாகும் கொடூரத்தின் சில மாதிரிகள்தான். இப்படி உலகையே குறிப்பாக மூன்றாம் உலக நாடுகளையே சுடுகாடாக மாற்றும் போக்கு முதலாளித்துவ சமூகம் எப்போது பிறந்ததோ அப்போது முதலே நடைமுறைக்கு வந்துவிட்டது. முதலாளித்துவத்தின் அடுத்தகட்டமான ஏகாதிபத்தியத்தில் இந்தப் போக்கு உச்சநிலையை எட்டியிருக்கிறது.

தடுப்பூசிகளின் விபரீதம் குறித்து பார்ப்போம்.

கி.பி.1796ல் எட்வர்ட் ஜென்னர் அம்மை தடுப்பு மருந்தை கண்டுபிடித்து அதற்கு Vaccination என்று பெயர் சூட்டினார். பசுவைக் குறிக்கும் லத்தீன் சொல்லான Vacceinus-லிருந்து உருவான சொல் இது. இந்த மருந்து எப்படி தயாரிக்கப்படுகிறது என்பதை நாம் தெரிந்துக் கொள்ள வேண்டும்.

மனிதர்களுக்கு ஏற்படும் அம்மைக் கொப்புளங்களிலிருந்து வரும் சீழை எடுத்து பாதுகாத்து, பசுக்களுக்கு செயற்கையான காயங்களை ஏற்படுத்தி அந்த புண்களுக்குள் செலுத்துவார்கள். இதனால் இப்புண்கள் வழியே அதிகமான சீழ் வெளியேறத் தொடங்கும். இந்த சீழை எடுத்து அதோடு சில இருப்பு ரசாயனங்களைக் கலந்து அம்மை தடுப்பு மருந்தை தயாரிக்கிறார்கள்.

போலியோ சொட்டு மருந்து தயாரிப்பும் கிட்டத்தட்ட இதுமாதிரிதான். போலியோவை ஏற்படுத்துவதாக நம்பப்படும் கிருமிகளை குரங்குகளின் சிறுநீரகத்தில் ஊசி வழியே செலுத்துகிறார்கள். சிறுநீரக சூழலிலேயே இந்தக் கிருமிகள் வளர்த்தெடுக்கப்பட்டு பின்னர் போலியோ சொட்டு மருந்தாக தயாரிக்கப்படுகிறது.

இப்படி மருந்து தயாரிக்கப் பயன்படும் குரங்குகள், உரிய சோதனைக்கு பிறகுதான் தேர்வு செய்யப்படுகின்றன. என்றாலும், பரிசோதனைகளின் மூலமே வரப்போகிற அல்லது வெளிப்பட்டுக் கொண்டிருக்கும் நோய்கள் அனைத்தையும் கண்டுபிடித்துவிட முடியாது. இப்படி 1950களில் பரிசோதிக்கப்பட்ட குரங்குகளில் சிமியன் வைரஸ் 40 (SV40) என்ற கிருமி பாதித்திருந்த விஷயம், மருந்துகள் தயாரிக்கப்பட்ட பிறகுதான் தெரிய வந்தது.

இதனால்தான் ‘இந்தியாவில் போலியோ சொட்டு மருந்து கொடுப்பதைத் தடை செய்யவேண்டும்’ என்று தேசிய மனித உரிமைகள் ஆணையத்தில் டாக்டர் சத்யமாலா வழக்கு தொடர்ந்தார். ஆனால், அந்த வழக்கு இன்னும் நிலுவையில் உள்ளது..! அதேபோல், 2006ல் மட்டும் போலியோ சொட்டு மருந்து கொடுத்து இந்தியாவில் 1600 பேருக்கு போலியோ பாதிப்பு ஏற்பட்டிருப்பதாகவும், 27,000 பேர் பாதிக்கப்பட சாத்தியம் இருப்பதாகவும் ஜூலை 11, 2008ம் ஆண்டு தேதியிட்ட ‘தி இந்து’ நாளிதழில் கட்டுரை எழுதினார் இந்திய மருத்துவக் கழகத்தின் தடுப்பு மருந்துப் பிரிவின் தலைவரான டாக்டர் ஜேக்கப் புலியேல் (Politics of Polio, July 11/2008).

இந்தக் கட்டுரையின் விவரத்தையும் உண்மையையும் ஆளும் வர்க்கங்கள் கண்டுகொள்ளவேயில்லை… 1853ம் ஆண்டு இங்கிலாந்தில் அம்மை தடுப்பு ஊசியை குத்தும் சட்டம் கட்டாயமாக்கப்பட்டது. இதைத் தொடர்ந்து உலகின் பல பகுதிகளுக்கும் தடுப்பு மருந்துகள் பரவின. கட்டாயச் சட்டங்களும் அமலுக்கு வந்தன. ஆனால், அம்மை நோய்த் தாக்கத்தில் இம்மருந்துகள் இந்தவிதமான மாற்றத்தையும் ஏற்படுத்தவில்லை. பதிலாக பல புதிய எதிர் விளைவுகளே ஏற்பட்டன. இதனால் 1889ம் ஆண்டு இங்கிலாந்தில் ராயல் கமிஷன் ஏற்படுத்தப்பட்டது. 7 ஆண்டுகள் விசாரணைக்கு பிறகு இக்கமிஷன் வெளியிட்ட அறிக்கையை தொடர்ந்து இங்கிலாந்தில் கட்டாயத் தடுப்பூசி சட்டம் நீக்கப்பட்டது.

1870 – 71களில் அம்மை நோய் ஜெர்மனியில் பெரும் தாக்கத்தை ஏற்படுத்தியது. சுமார் 10 லட்சம் பேருக்கு அம்மை நோய் தோன்றியது. இவர்களில் ஒரு லட்சத்து இருபதாயிரம் பேர் மரணமடைந்தனர். இறந்தவர்களில் நூற்றுக்கு 96 பேர் அம்மை நோய் தடுப்பூசியை குத்திக் கொண்டவர்கள். அதுமட்டுமல்ல, அம்மைத் தடுப்பூசி குத்திக் கொண்ட சிறுமிகள், வளர்ந்து தாயானதும் அவர்களுக்கு தாய்ப்பால் சுரக்கவில்லை என்பதும் கண்டறியப்பட்டது. இந்த உண்மை வெளிப்பட்டதும் 1880ம் ஆண்டு உலக தடுப்பூசி எதிர்ப்புச் சங்கம் (International Anti-Vaccination League) உருவாக்கப்பட்டது. அந்த ஆண்டின் இறுதியில் பாரீசில் நடைபெற்ற முதல் மாநாட்டில் பல நாடுகளில் இருந்தும் பிரதிநிதிகள் கலந்துகொண்டார்கள். தடுப்பூசிகளை எதிர்க்கும், முறைப்படுத்தக் கோரும் 10 தீர்மானங்கள் அம்மாநாட்டில் நிறைவேற்றப்பட்டன. ஆனால்… அது நடைமுறைக்கு வர பன்னாட்டு நிறுவனங்கள் அனுமதிக்கவில்லை…

இந்த புள்ளிவிபரத்தை பாருங்கள். 1980களில் அமெரிக்காவில் குழந்தைகளுக்கு பரிந்துரைக்கப்பட்ட தடுப்பூசிகளின் எண்ணிக்கை 10. அதுவே 2008ல் 36 ஆக உயர்ந்தது. அத்துடன் 1983ல் மூளை வளர்ச்சி குறைவுள்ள அமெரிக்க குழந்தைகள் பத்தாயிரத்தில் ஒருவர்தான். ஆனால், 2008ல் அமெரிக்க குழந்தைகளின் மூளை வளர்ச்சி குறைவு விகிதம் நூற்றைம்பதில் ஒருவராக மாறியிருந்தது. அதாவது 3000 மடங்கு அதிகரித்திருந்தது. இதற்கு காரணம் தடுப்பூசிகள்தான்.

மூன்றாம் உலக நாடுகள் அமெரிக்கா செல்லும் பாதையைத்தான் பின்பற்றுகின்றன என்பதால் ஆசிய, ஆப்ரிக்க, லத்தீன் அமெரிக்க நாடுகளில் ஏற்பட்டுள்ள புதிய புதிய நோய் பாதிப்புக்குகளுக்கு காரணம் தடுப்பூசிகள்தான் என்பது உள்ளங்கை நெல்லிக்கனி.

மஞ்சள் காமாலைக்காக விளம்பரப்படுத்தப்பட்ட தடுப்பூசியின் கதையைக் கேட்டால் வயிறு எரியும். ஹெர்படைட்டிஸ் ஏ, ஹெர்படைட்டிஸ் பி என மஞ்சள் காமாலையில் இருவகை உண்டு.
இதில் ஹெர்படைட்டிஸ் பி ஆட்கொல்லி நோய். ஆனால், தொற்று நோயல்ல. அதேபோல் பரவலாக வரக் கூடியதும் அல்ல. அபூர்வமாகவே மனிதர்களை தாக்கும் இந்த ஹெர்படைட்டிஸ் பி-க்கான தடுப்பூசி வீரியமிக்கது. இதை ஹெர்படைட்டிஸ் ஏ தாக்கியவர்களுக்கு போடக் கூடாது. உண்மை இப்படியிருக்க, 1990களில் பூதாகரமாக மஞ்சள் காமாலைத் தடுப்பூசி குறித்து (ஹெர்படைட்டிஸ் ஏ) பிரசாரம் செய்யப்பட்டது.

இது ஏதோ ஆட்கொல்லி நோய் போலவும், அந்நோய் வந்தவர்கள் எளிதில் மரணமடைவார்கள் என்பது போலவும் விளம்பரம் செய்யப்பட்டது. இந்த ஏகாதிபத்திய வெறிக்கு இந்தியா போன்ற தெற்காசிய நாடுகளும் பலியாகின. மஞ்சள் காமாலைக்கு மருந்துகள் எதுவும் இல்லாமல் உணவுமுறையை ஒழுங்குபடுத்துவதன் மூலமே குணமாக்கலாம் என்ற பழம்பெரும் உண்மை மறைக்கப்பட்டது.

இதன்விளைவாக 1990களில் அமெரிக்காவில் பிறக்கும் ஒவ்வொரு குழந்தைக்கும் மஞ்சள் காமாலை தடுப்பூசி கட்டாயம் போட வேண்டும் என்ற சட்டம் நடைமுறைக்கு வந்தது. ஆனால், 1997ல் நடத்தப்பட்ட அமெரிக்க அரசின் ஆய்வில் மஞ்சள் காமாலை தடுப்பூசியும், அம்மைத் தடுப்பூசி போன்றே 13 விதமான புதிய நோய்களை ஏற்படுத்தும் உண்மை வெளிச்சத்துக்கு வந்தது. வலிப்பு, ஜன்னி, கண்பார்வை பாதிப்பு, மூளைக் காய்ச்சல் போன்றவை இதில் அடங்கும். உடனே அமெரிக்க அரசு கட்டாய தடுப்பூசி சட்டத்தை அவசரமாக நீக்கியது. இதனால் ஏராளமான தடுப்பூசி மருந்துகளை உற்பத்தி செய்து வைத்திருந்த அமெரிக்க மருந்துக் கம்பெனிகள் அதிர்ந்தன.

இந்த மருந்தை என்ன செய்வது?

அவர்களின் துயர் தீர்க்க முன்வந்தார் பில்கேட்ஸ்….

தனது தொண்டு நிறுவனத்தின் மூலம் ஆந்திர மாநிலத்தில் 4.5 லட்சம் குழந்தைகளுக்கு மஞ்சள் காமாலை தடுப்பூசிகளை இலவசமாக போட்டார். இந்த தடுப்பூசி அமெரிக்க நிறுவனங்களால் உற்பத்தி செய்யப்பட்டு, அமெரிக்க அரசால் 1997ல் தடைசெய்யப்பட்டவை…!!!!

தடுப்பூசிகளை ஆதரிப்பவர்கள் என்ன சொல்கிறார்கள்? ‘முன்பெல்லாம் கொள்ளை நோய்கள் மக்களை கூட்டம் கூட்டமாக தாக்கியதே… தடுப்பூசிகள் வந்ததற்கு பின்னால்தானே கொள்ளை நோய்கள் கட்டுக்குள் வந்தன?’ நம் மனதில் இப்படித்தான் பதிய வைக்கப்பட்டிருக்கிறது. ஆனால், உண்மை இதுமட்டுமே அல்ல. பல தீவிரமான கொள்ளை நோய்களை தடுப்பூசிகள் தடுத்து நிறுத்தியதை காட்டிலும் தடுப்பூசி என்னும் பெயரில் பன்னாட்டு நிறுவனங்கள் நடத்தும் வணிகமும், இதனையடுத்து தோன்றியுள்ள புதுப்புது நோய்களும் மிக அதிகம். 2009ம் ஆண்டு சீனாவிலிருந்து உலகம் முழுக்க சார்ஸ் (பறவைக்காய்ச்சல்) பரவுவதாக பிரசாரம் செய்தார்கள். இந்த சளிக்காய்ச்சலை கட்டுப்படுத்தவோ, பரவாமல் தடுக்கவோ எந்த மருந்தும் கண்டுபிடிப்பதற்கு முன்பே அக்காய்ச்சல் படிப்படியாக குறைந்தது. இதேநிலைதான் இந்தியாவில் ஏற்பட்ட சிக்குன்குனியா காய்ச்சலுக்கும் ஏற்பட்டது. பன்றிக்காய்ச்சலையே எடுத்துக் கொள்வோம். ஏதோ கொள்ளை நோய் போல உலகம் முழுவதும் பேசப்பட்ட இந்நோய்க்கான தடுப்பு மருந்து தாமிஃப்ளூ விற்பனைக்கு வரும் முன்பே இந்நோய் குறைந்துவிட்டது. எந்தவொரு நோயானாலும் மக்களின் உடல் நிலை மற்றும் சுற்றுப்புற சமூக காரணிகளை வைத்து தானாகவே ஏற்படும். குறிப்பிட்ட இடைவெளியில் தானாகவே மறையும்.

இந்த அறிவியல் உண்மை மறைக்கப்பட்டு, ஆனால், இதன் சாராம்சத்தை – அதாவது தானாகவே மறையும் தன்மை – மட்டும் எடுத்துக் கொண்டு ஆளும் வர்க்கங்களும், பன்னாட்டு நிறுவனங்களும் ஏதோ தங்களால்தான் – தாங்கள் அறிமுகப்படுத்திய தடுப்பூசியால்தான் – நோய்களை கட்டுப்படுத்த முயன்றது போல் பிரசாரம் செய்கின்றன. சில பழைய பக்கங்களை பார்ப்போம்.

1950களில் போலியோ நோயின் தாக்கம் உலகெங்கும் 40 மில்லியனாக இருந்தது. அப்போது போலியோவிற்கான எந்த தடுப்பு மருந்தும் கண்டுபிடிக்கப்படவில்லை. 1952ல் 19 மில்லியனாகவும், 1954ல் 8 மில்லியனாகவும் தன்னால் இது குறைந்த பிறகு 1956ல் போலியோ தடுப்பு மருந்து கண்டறியப்பட்டது. இப்போது என்ன சொல்கிறார்கள்? இந்த தடுப்பு மருந்தால்தான் போலியோ கட்டுக்குள் இருப்பதாக… தடுப்பு மருந்து கண்டுபிடிக்கப்படாத டைபாய்டு காய்ச்சல் 1910ல் 500 மில்லியனுக்கு மேல் உலகெங்கும் பாதிப்பு ஏற்படுத்தியது. தடுப்பூசி பயன்படுத்தாத நிலையில் 1920ல் அதுவே 200 மில்லியனாகவும், 1930ல் 100 மில்லியனாகவும் குறைந்துவிட்டது.
.
இப்படி இயற்கையாகக் குறைந்த பல நோய்களைத் தங்கள் வரைபடத்தில் ஏற்றி வருமானமாக மாற்றும் தந்திரத்தைத்தான் தடுப்பூசி தயாரிக்கும் பன்னாட்டு நிறுவனங்கள் செய்கின்றன. இப்போது தடுப்பூசி மருந்துகள் குறித்த ஆராய்ச்சியாளர்கள், மருத்துவர்கள் என்ன சொல்கிறார்கள் என்பதற்கு பதிலாக – இந்த மருந்துகளை தயாரிக்கும் பன்னாட்டு நிறுவனங்கள் என்ன சொல்கின்றன என்று பார்ப்போம்.

அதாவது ‘புகைப்பிடிப்பது உடல் நலத்துக்கு கேடு…’ என்று அச்சிடுகிறார்கள் இல்லையா?

அதேபோல் தடுப்பூசி மருந்துடனும் சில எச்சரிக்கைகளை பன்னாட்டு நிறுவனங்கள் அச்சிடுகின்றன. அவை என்ன தெரியுமா?

1. அதிகப்படியான காய்ச்சல் (105 டிகிரி அல்லது அதற்கு மேல்)

2. மந்தமாக இருத்தல்; நீடித்த அசதி

3. மூளை வளர்ச்சி குறைபாடு; மூளை பாதிப்பு

4. எப்போதாவது வலிப்பு; மயக்கம்

5. கண் நரம்புக் கோளாறுகள்; நரம்பு தொடர்பான நிரந்தக் கோளாறுகள் … ஆகியவை தடுப்பூசிகள் போட்டுக் கொண்டால் ஏற்படலாம் என எச்சரிப்பது அந்த தடுப்பூசி தயாரித்த நிறுவனங்கள்தான்.

ஆனால், எந்த மருத்துவரும் இதைக் குறித்து நோயாளிகளிடம் சொல்வதில்லை…?

அதுமட்டுமல்ல, உச்சபட்ச விளைவாக SIDS (Sudden Infant Death Syndrom) ஏற்படுத்துவதாக தடுப்பூசியை தயாரிக்கும் நிறுவனங்கள் சொல்கின்றன.

இதன் அர்த்தம் என்ன தெரியுமா?

குழந்தை திடீரென இறந்து போகும்…

ஆனால், இந்த உண்மையை – அதாவது தடுப்பூசியை தயாரித்த நிறுவனம் சொல்லும் எச்சரிக்கையை – எந்த மருத்துவரும் நோயாளிகளிடம் சொல்வதில்லை. பதிலாக சிரஞ்சியில் ஏற்பட்ட மருந்தையே கண்ணுக்கு காட்டுகிறார்கள்….

இந்த நிலை இனிமேலும் தொடற நீங்கள் அனுமதிக்க போகிறீர்களா..?

இந்த ப்லாகில் http://rkacu.blogspot.in/p/free-e-books-download.html உள்ள “தடுப்பூசி வெளிப்படும் உண்மைகள்” என்ற இந்த புத்தகத்தில் மேலும் பல விளக்கங்கள் உள்ளன. இதனை PDFஆக இலவச பதிவிறக்கம் செய்து கொள்ளலாம்…

மேலும் விரிவாக விளக்கம் தேவை பட்டால் : www.puthuyir.blogspot.in ல் உள்ள “தடுப்பூசி வரலாற்று மோசடி” புத்தகம் வாங்கி படிக்கவும். மிகவும் விரிவாக தடுப்பூசி, 150 வருடங்களுக்கு முன்னமே பொய் என்று நிரூபிக்கப்பட்ட கிருமி தத்துவம் பற்றிய தகவல்களை உள்ளடக்கி உள்ளது. அதுவும் உங்களுக்கு பயன்படும்…

- அருண்குமார்

Read More

கோயிலுக்கு வந்த பெண்களிடம் 8 பவுன் நகை பறித்து ஓட்டம்

உடுமலை, : பொள்ளாச்சி அருகே உள்ள ஆனைமலையை அடுத்த உடையார்குளத்தை சேர்ந்தவர் மாரம்மாள்(70). இவர் தனது மகள், மருமகன், மகன் ஆகியோருடன் திருமூர்த்திமலை அமணலிங்கேஸ்வரர் கோயிலுக்கு வந்தார்.அங்குள்ள வினாயகர் கோயிலில் சாமி கும்பிட்டுக் கொண்டிருந்தார்.அப்போது, அவரது கழுத்தில் கிடந்த 6 பவுன் சங்கிலியை மர்ம ஆசாமி பறித்துக்கொண்டு ஓடி விட்டான்.
அதேபோல் அமணலிங்கேஸ்வரர் கோயிலில் சாமி கும்பிட்டு விட்டு பஸ் ஏறிய பொள்ளாச்சி காளியாபுரம் அன்னபூரணி(50) கழுத்தில் கிடந்த 2 பவுன் சங்கிலியும் மாயமானது.இச்சம்பவங்கள்குறித்த புகாரின் பேரில் தளி போலீசார் வழக்குப்பதிவு செய்து விசாரித்து வருகின்றனர்.

Read More

25ம் தேதி கிறிஸ்துமஸ் பண்டிகை விடுமுறை நாளில் சிறப்பு வகுப்புகள் பள்ளிகளுக்கு சி.இ.ஓ. எச்சரிக்கை

: கிறிஸ்துமஸ் பண்டிகை தினத்தில் “சிறப்பு வகுப்பு‘ என்ற பெயரில் 10, 12ம் வகுப்பு மாணவர்களுக்கு சிறப்பு வகுப்புகள் நடத்தினால் உரிய நடவடிக்கை எடுக்கப்படும் என மாவட்ட முதன்மைக் கல்வி அலுவலர் எச்சரித்துள்ளார்.
திருப்பூரில் உள்ள பல பள்ளிகள் 10, 12ம் வகுப்பு பொதுத் தேர்வில் தேர்ச்சி விகிதத்தை அதிகரித்து காட்டும் நோக்கில், தங்கள் மாணவ, மாணவியரை தயார்படுத்தி வருகின்றன. குறிப்பாக, சில தனியார் பள்ளிகள், சனி, ஞாயிறு விடுமுறை நாட்களில் கூட சிறப்பு வகுப்புகளை நடத்தி மாணவ, மாணவியரை பொது தேர்வுக்கு தயார்படுத்துகின்றன. இந்நிலையில் ஒரு சில தனியார் பள்ளிகள், இதற்கெல்லாம் ஒருபடி மேலாக சென்று, பண்டிகை தினங்களிலும் சிறப்பு வகுப்புகள் நடத்தி, மாணவ, மாணவியரை மன உளைச்சலுக்கு ஆளாக்கி வருகின்றனர்.
இந்நிலையில், தற்போது, 10, 12ம் வகுப்பு மாணவர்களுக்கு அரையாண்டு தேர்வுகள் முடிந்து நாளை (24ம் தேதி) முதல் ஜனவரி 4ம் தேதி வரை, விடுமுறை அறிவிக்கப்பட்டுள்ளது. ஆனால், திருப்பூரில் உள்ள பல உதவி பெறும் மற்றும் தனியார் பள்ளிகள் கிறிஸ்துமஸ் விடுமுறை நாட்களில் சிறப்பு வகுப்புகளை நடத்த திட்டமிட்டுள்ளன. “இந்த விடுமுறை நாட்களில், 10, 12ம் வகுப்பு மாணவ, மாணவிகளும், ஆசிரியர்களும் வழக்கம்போல் பள்ளிகளுக்கு வர வேண்டும்‘ என, பல பள்ளி நிர்வாகங்கள் அறிவித்துள்ளதாக கூறப்படுகிறது. விடுமுறை “கட்‘ ஆனதால், மாணவ, மாணவிகளும், ஆசிரியர்களும் “அப்செட்‘ ஆகியுள்ளனர். அதுமட்டுமின்றி கிறிஸ்துமஸ் தினமான வருகிற 25ம் தேதியும், ஒரு சில  பள்ளிகள் 10, 12ம் வகுப்பு மாணவர்களை பள்ளிக்கு வரவேண்டும் என கூறியுள்ளதாக தெரிகிறது. இதிலும் உடல்நிலை பாதிக்கப்பட்ட மாணவர்கள், கிறிஸ்துவ மதத்தை சேர்ந்த மாணவர்கள் என யாராக இருந்தாலும், கண்டிப்பாக வர வேண்டும் எனவும் உத்தரவிடப்பட்டிருப்பதாக, மாணவர்கள் தெரிவித்தனர்.
இதுகுறித்து மாவட்ட முதன்மைக் கல்வி அலுவலர் முருகனிடம் கேட்டபோது, கிறிஸ்துமஸ் பண்டிகை தினத்தில் “சிறப்பு வகுப்புகள்‘ நடத்தக்கூடாது.
இதுகுறித்து தனியார் பள்ளி நிர்வாகங்களுக்கு தெரியப்படுத்தப்படும். அதையும் மீறி கிறிஸ்துமஸ் தினத்தில் 10, 12ம் வகுப்பு மாணவர்களுக்கு சிறப்பு வகுப்புகள் நடத்தினால் உரிய நடவடிக்கை எடுக்கப்படும்.

Read More